Colombia
E Instituto di Medicina Legal a hasi un conteo di e mortonan violento di migrantenan Venezolano na Colombia desde aña 2017.
Te cu oktober 2023, e organisacion a raporta 7084 morto relaciona cu homicidio, accidentenan di trafico, suicidio, entre otro.
E portal di noticia Colombiano El Tiempo a menciona cu e aña aki so e organisacion a registra 1193 morto relaciona cu e evento aki.
Segun e datonan haña door di e instituto, homicidio ta e cos cu a afecta mas e poblacion aki na pais.
Entre januari y oktober 2023, e organisacion aki a conta 754 morto di e tipo aki. Di esakinan, 144 di e casonan tabata homicidio cu arma blanco, 559 cu arma di candela y 51 durante pelea.
Di e total di homicidio, 682 di e victimanan tabata hende homber y 72 tawata hende muhe.