Caso soprendente: Mucha homber Britanico cu a desaparece 6 aña pasa localisa na Francia

Francia
Alex Batty tawata perdi pa basta aña, pero e la wordo haya bek sano y salvo.

E mucha homber aki di Inglatera a desaparece na 2017, tempo e tawata tin 11 aña. Pero diaranson ultimo e la ser haya na un stad yama Revel, zuid di Toulouse, Francia.

Alex, cu actualmente tin 17aña, a desaparece cu su mama y su welo, Melanie y David Batty, durante cu nan tawata di vakantie na Marbella.

Ta wordo pensa cu e adultonan lo a “muda” pa un comunidad spiritual, y a hiba Alexl cu nan e tempo aya. Na 2018 BBC a publica cu e mama y e welo tawata wordo busca, pa secuestro di Alex.

Pero e siman aki, 6 aña despues, un delivery man a mir’e ta cana cu un tas y un skateboard ariba un caminda den Pyreneeën cu ta un parti entre Spaña cu Francia.

E la dun’e lift y a hibe mesora un warda di polis.