Un grupo di científiconan a logra descubri un planeta cu ta 13 biaha mas grandi cu Tera, marcando un hecho historico den e estudio di formacion di sistema solar. E descubrimento ta pone un gran desafio na e comprension actual di con planetanan ta forma cerca nan strea.
Segun informacion, e planeta extraordinario ta situa na un distancia di 51 aña luz di nos sistema solar y ta orbita un strea chikito ultrafrio conoci como LHSS 315, cu ta nuebe biaha mas chikito cu solo. E planeta, bautiza como LHS 3154b, ta un colosal 13 biaha mas grandi cu Tera.
Un di e autornan di e estudio, e astronomo Suvrath Mahadevan, a expresa su sorpresa den un comunicado, “No ta spera cu un planeta asina pisa por existi den cercania di un strea cu ta asina chikito,” el a bisa.
E descubrimento ta resalta e misterionan cu ainda ta existi den e vasto universo, y ta bringa cu e ideanan existente riba con e planetanan ta forma. Cientificonan ta investigando e posible formacion di un planeta asina grandi cerca di un strea di masa tan chikito, loke ta stimula mas cuestionamento y investigacion pa comprende e fenomenonan astronomico. Esey por conduci na desaroyo di teorianan nobo cu por amplia e comprension di e misterioso di e espacio exterior.