Home » Alberto Fujimori, expresidente di Peru, a sali di prizon despues di sentencia di Corte Constitucional

Alberto Fujimori, expresidente di Peru, a sali di prizon despues di sentencia di Corte Constitucional

by Admin
0 comment 167 views

PERU: Alberto Fujimori, e expresidente di Peru di 85 aña, a sali for di prizon riba diaranson, despues cu Corte Constitucional di Peru a duna orden pa su liberacion inmediato un dia prome. Fujimori, cu tabata den prizon desde 2007, a wordo condena pa varios delito, manera e crimennan den Barrios Altos y La Cantuta cometi durante su gobierno, locual a resulta den un sentencia di 25 aña tras di trali.

Fujimori a sali for di prizon mas o menos 6:30 p.m. (ora local). El a subi den un auto shinishi, entre polis, periodistanan y otro ciudadanonan.

E liberacion di Fujimori a tuma luga pasobra e sentencia di Corte Constitucional ta confirma un decision anterior di mesun corte, duna na luna di maart 2022, unda nan a restitui e efectonan di e pordon humanitario otorga na Fujimori na december 2017 door di e presidente na e momento ey, Pedro Pablo Kuczynski, cu e Husticia di Peru a anula un aña despues, despues di cual Fujimori a bolbe bek den prison.

Diamars, Corte Interamericano di Derechonan Humano (CIDH) a pidi Peru pa no libera Fujimori, cu e argumento cu esaki lo afecta e derecho na husticia di e victimanan di e casonan di Barrios Altos y La Cantuta.

Alberto Fujimori, yiu di migrantenan Hapones, a keda presidente di Peru entre 1990 y 2000. E lider a renuncia na su puesto di presidencia via fax na aña 2000, despues cu scandalonan di corupcion a bira publico pa medio di e ‘vladivideos’ conoci, un coleccion di videonan casero traha pa su asesor Vladimiro Montesinos, cu a hiba Fujimori cay despues di un decada na poder.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio