Home »  Organo Ehecutivo AZV (OE AZV) ta informa: Maneho nobo entrante 1 di januari 2024 pa cu cobertura di servicio di  laboratoria  

 Organo Ehecutivo AZV (OE AZV) ta informa: Maneho nobo entrante 1 di januari 2024 pa cu cobertura di servicio di  laboratoria  

by Admin
0 comment 160 views

 

Testnan di laboratorio ta importante dentro di e proceso di cuido y tratamento di pashent. Un  test di laboratorio ta yuda e dokter yega na un diagnostico. Tambe e test di laboratorio ta un  instrumento pa sigui monitoria y evalua e malesa di e pashent. Unda ta necesario e dokter di cas  of specialista medico lo adapta e plan di tratamento.  

Pa mantene cuido medico accesibel, di bon calidad y pagabel e siguiente añanan, OE AZV a pidi  un instancia independiente haci un investigacion pa determina tarifanan aceptabel a base di  caracteristicanan specifico pa e mercado di Aruba. Esaki a resulta den un ahuste di e tarifanan  pa e testnan di laboratorio. Di e forma aki OE AZV por sigui garantisa test di laboratorio awor y  pa futuro generacion cubri for di e fondo di AZV.  

E cambio di mas principal!  

Desde 1 di januari 2024 tur asegurado bou di tratamento di specialista medico y cu haya  prescripcion pa test di laboratorio lo tin cu tene cuenta cu:  

  1. A) Ta haci uzo di e servicionan di LAB HOH. E laboratorio di Dr. Horacio E. Oduber Hospitaal  ta bira e unico laboratorio cu lo duna servicio riba prescripcion di e specialistanan  medico. Esaki ta nifica cu ora e specialista medico informabo cu tin test di laboratorio pa  haci, bo lo tin cu acudi na e prikpost LAB HOH di mas cerca di e specialista medico.  Afortunadamente ya e gran mayoria di e “prikposten” di LAB HOH ta den cercania di e  specialistanan medico cu localidad na San Nicolas, Oranjestad, Piedra Plat y Ponton.  
  2. B) Tur asegurado di AZV bou tratamento di specialista medico na ImSan por tambe sigui haci uzo di e servicionan di laboratorio na ImSan.  

Kico lo continua manera semper?  

Desde 1 di januari 2024 tur asegurado bou di tratamento di un dokter di cas, dentista of  partera y cu haya prescripcion pa test di laboratorio lo por: 

  1. C) Sigui haci uzo di e servicionan di e laboratorio di su escogencia.  

OE AZV ta conta riba e colaboracion di cada asegurado y ta gradici boso pa esaki. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio