E sirenanan di laman a bira criaturanan adora pa mucha homber y mucha muhe rond mundo. Ta pa esaki cu hopi negoshi cu tin espectaculonan di awa ta contrata landadonan profesional pa disfrasa nan manera sirena, interactua cu muchanan banda di otro parti di e glas y brinda experencianan magiko. Pero, e maniobranan aki no semper ta sali bon.
Un ehempel di esaki ta un video cu a bira viral recientemente riba rednan
social, camina por mira un mucha muhe disfrasa manera sirena kende su vestuario
a keda pega na un piedra, un suceso cu casi a causa su morto.
E videonan aki a wordo publica prome cu un homber yama Zizwe Ndwandwe riba
e website Storyful, y a documenta e accidentenan cu a sosode den un instalacion
cu ta simula un acuario. E cola di e mucha muhe a keda pega na un piedra y ora
cu el a trata di landa bay superficie pa tuma aire el a nota cu, a pesar cu e
tabata purba landa, su curpa no tabata subi.
Tabata na e momentonan ey cu el a cuminsa haci movimentonan desespera cu
su brasanan y pia, te ora cu el a logra kita su vestuario y landa bay ariba,
salbando su bida un tiki for di un morto sigur.