Green Corridor – Diabierna atardi pasa di 5’or y mey polis, ambulance y tambe brandweer a sali pa un accidente serio pariba di e brug nobo.
Materiaalwagen a wordo activa, debi cu a papia cu lo tin hende pega den auto, debi cu un di e autonan a bolter.
E accidente a sosode entre un Kia Rio y un Nissan Kicks color preto.
Na e sitio tawata wordo papia cu e aparentemente e Kia Rio lo a dal e Nissan cu a pone cu e la bolter.
Brandweer cu a yega no mester a drenta accion, debi cu ya e supuesto persona pega lo a sali.
Paramediconan cu a yega a atende tur esnan herida, y despues a sali cu nan por bisa toch cu urgencia direccion Hospitaal.
Polis di trafico tawata presente pa atende cu e caso, mientras polis di trafico tawata trata na guia e fluho grandi di trafico.
