Un grupo di olifantenan a trapa un auto cu tabata circulando ariba un caminda importante despues cu e vehículo a dal un olifante baby di nan grupo, asina autoridadnan di Malaysia a duna di conoce.
E auto, un Perodua Axia blanco, tabata wordo maneha pa un homber di 48 aña cu tabata biahando hunto cu su esposa y yiu, segun un comunicado emiti pa Polis di Gerik, Malaysia.
Tabata fingi y tabatin neblina na e momentonan ey, a agrega Polis di Gerik, y e auto tabata “maniobra un bocht banda robes riba e autopista” ora cu a dal contra e olifante baby.
E olifante baby a cay na suela despues di e impacto, e corporacion a agrega.
Ora cu e otro 5 olifantenan a wak kico a pasa, nan a core te na e auto y a cuminsa trapa riba dje.
Polis no a raporta ningun persona herida, ni tampoco riba e estado di e pober olifante chikito.