Home » Accidente frontal ta laga 3 persona seriamente herida atras

Accidente frontal ta laga 3 persona seriamente herida atras

Accidente na Koyari, tres herido di cual dos a keda pega den auto

by Admin
0 comment 203 views

Koyari – Diamars mainta den careda di 11’or y 45 polis y demas unidadnan di rescate a sali pa Koyari, unda un accidente frontal a sosode cu hende herida.

E accidente a sosode ariba un t-kruising poco pazuid di Italo Arubano.

Na yegada di polis nan a constata cu tin tres persona herida, di cual dos lo mester asistencia di brandweer pa bay sacanan.

Tawata trata di un Mazda 323 color cora y un Kia Rio color shinishi.

Chauffeur di e Kia Rio su pianan ambos a bay pega bou di e stuurwiel, unda cu na un manera tactico bomberonan mester a corta un parti di e auto pa por a sak’e.
Den e Kia Rio na nos yegada e pasahero tawata pafor di e auto drumi ariba suela y tawata kehando di hopi dolor.

Despues di a libera e chauffeur di e Kia, bomberonan a cuminsa corta un parti di e porta di e Mazda pa asina por a saca e dama cu tawata na stuur. E donjo di e Mazda a yega na e sitio y e auto aki a wordo fia na un persona y e persona aki lo a fia e dama e auto.

Nos a mira cu aunke cu e accidente tawata uno basta serio y mirando con e autonan a keda tur esnan herida tawata na tino.

Un total di 3 ambulance a presenta na e sitio y 1 Rapidresponder.
Dos unidad di brandweer tambe a yega na e sitio.

Polis di trafico y tambe departamento tecnico mester a presenta pa haci e investigacion necesario.

Na final tur esnan herida a wordo transporta pa Hospitaal.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio