Un advertencia serio ta wordo duna pa e creciente cantidad di cyberatakenan na Colombia, unda segun portalnan especialisa, esaki ta consecuencia di e avance den tecnologia, pasobra e cyberatacantenan ta busca manera nobo pa horta informacion sensitivo, no solamente di un persona, pero tambe di empresanan grandi cu por tin informacion delicado.
E personanan aki ta utiliza diferente modalidad di robo, manera ‘phishing’ y troyanonan bancario, cu
mayoria di biaha ta ataca nan victimanan haci nan pasa pa archivo cu ta parce
legitimo, cu e meta pa gaña nan pa nan click of instala nan.
E recien Panorama di Amenaza pa America Latina di ‘Kaspersky’, un empresa global di cyberseguridad y
privacidad digital, a revela cu na Colombia a experencia 2,4 miyon intento di
‘phishing’ den e ultimo 12 luna, loke ta un aumento di 12.5%.
P’esey, promedio tin 4 atake pa minuut den henter teritorio nacional, convirtiendo nan den e di cuater pais mas afecta den e region, cu un total di 30,9 miyon intento di atake.
Autoridadnan ta urgi ciudadanonan y empresanan pa ta alerta y tuma medidanan preventivo pa proteha
nan informacion. Un entrenamento riba reconoce e señalnan di cyberatake manera
‘phishing’ por ta di gran importancia pa mantene e seguridad cibernetico.