Home » Dos individuo ariba dos brommer a tira ariba Nissan Fuga

Dos individuo ariba dos brommer a tira ariba Nissan Fuga

Probablemente lo ta trata di un problema andando

by Admin
0 comment 213 views

Mondi Fierno/ Franse Pas – Diasabra anochi un supuesto accidente a resulta cu no tawata un accidente.

Polis na cuminsa a pensa cu lo tawata trata di un accidente entre auto cu brommer. Pero den algun minuut e accidente aki a draai completamente, momento cu chauffeur di e e Nissan Fuga a papia cu polis y splica kiko exactamente a pasa.

Ta parse cu e esnan ariba e dos brommernan lo a los un of mas tiro.
A bin resulta cu esnan den e auto conoce esnan ariba e brommer y probablemente lo tin un problema serio entre nan.

Pa salba nan bida e chauffeur lo a manda e auto ariba e dos brommer nan. E Fuga mes a bay pega den mondi, mientras esnan cu a comete e atentado a core bay laga e sitio prome polis yega.

Instancianan concerni manera recherche y tambe departamento tecnico(BFTO) a presenta na e sitio. E brommernan tawata horta.

Autoridad a laga confisca e brommernan y tambe e auto pa haci mas investigacion.
Segun papiamento na e sitio, lo tin un problema andando pa algun dia entre esnan ariba e brommer y esnan den e Nissan Fuga.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio