Piedra Plat – Diasabra marduga den careda di 3’or varios unidad a bay e bar Weng Kee situa na Piedra Plat; unda lo tawata tin un problema grandi andando.
Pero, na e mesun un momento polis a bay un adres tambe na Mon Pos, unda cu lo tin un persona cu a yega eynan y ta basta maltrata.
A bin resulta cu e cabayero di edad cu a yega na e adres na Mon Pos, lo a wordo maltrata pa un homber cu ainda lo tawata na Weng Kee. Pues e maltrato si ta corecto lo a sosode na Weng Kee Bar Restaurant y despues e homber di edad lo a logra yega e adres na Mon Pos.
En todo caso, polisnan a pidi pa un ambulance y mesora a bay Weng Kee bar restaurant, ey nan lo a topa cu e sospechoso di fam M y a bay over na efectua e detencion.
Esaki no a bay smooth, debi cu tawata tin un multitud di hende pa solamente 4 polis handle. Aki mester a bay over na pidi versterking di otro districto nan.
Pero, polis a logra core cu e multitud y manda nan cas. Calmando e situacion.
Mientrastanto Paramediconan a transporta e cabayero cu urgencia pa Hospitaal, door di e golpinan fuerte cu e la ricibi.
E caso ta bou investigacion y den man di recherche.
