357
Rotonde Ponton WVB – Diahuebs anochi pasa di 9’or y mey polis di trafico a wordo pidi na e rotonde di Ponton cu ta conecta cu Watty Vos Boulevard.
Locual a sosode tawata cu un di e chauffeurnan tawata bebi y lo ta esun cu a causa e accidente.
E vehiculonan envolvi tawata un Hyundai y un Chevrolet.
Ambulance tambe a wordo pidi, debi cu un dama cu tawata den auto a cuminsa sinti malo.
Na yegada di Ambulance e Paramediconan a atende e dama y a haya ta bon pa e bay Spoedeisende Hulp pa un control mas extenso.
Polis di trafico despues di a haya tur datos a prohibi e chauffeur bou influencia di core auto pa algun ora.
