Home » Tres persona herida, den accidente cu hopi daño material ariba Green Corridor

Tres persona herida, den accidente cu hopi daño material ariba Green Corridor

by Admin
0 comment 245 views

Green Corridor – Diaranson atardi algo prome cu 3’or y mey polis ta cera rotonde di Balashi, pa un accidente serio entre tres auto ariba Sero Tijshi.

Na yegada polis a constata cu tin 3 persona herida, uno tawata leve y e otro dosnan tawata poco mas serio.

Polisnan di trafico na e sitio mesora a cuminsa compila tur dato posibel.

E vehiculonan envolvi tawata dos auto marca Honda y un Lincoln.

No ta conoci con exactamente e accidente a sosode, pero nos por a mira cu e Honda Fit tawata esun cu mas daño material. Den e Honda aki e dos hendenan mas herida tawata.

E Honda Pilot dilanti tambe a sufri hopi daño y tambe nos a nota cu e airbag nan a sali.

Dos ambulance y un Rapidresponder a presenta pa duna asistencia na esnan herida.
Esnan mas herida cu ta esunnan di e Honda Fit a wordo transporta pa Hospitaal.

Caminda a keda cera pa algun rato, debi cu e autonan tawata memey di caminda.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio