Home » Minister Endy Croes: A REUNI CU E TEAM DI HOWARD UNIVERSITY NA WASHINGTON D.C. PA CREA OPORTUNIDAD DI ESTUDIO PA NOS STUDIANTENAN DI ARUBA

Minister Endy Croes: A REUNI CU E TEAM DI HOWARD UNIVERSITY NA WASHINGTON D.C. PA CREA OPORTUNIDAD DI ESTUDIO PA NOS STUDIANTENAN DI ARUBA

by Admin
0 comment 221 views

 

 

ORANJESTAD: Durante biahe di trabou na Merca, Minister Endy Croes a a haci un bishita oficial na Howard University hunto cu Minister Plenipotenciario Joselin Croes y director general di Colegio EPI Sra. Ankie Danker. Minister Endy Croes a indica cu por mira atras riba un bon reunion, creando oportunidad pa nos studiantenan di Aruba. Actualmente, ta trahando riba un programa pa pronto por firma un acuerdo cu Howard University. Minister Plenipotenciario na Washington D.C., Sra. Joselin Croes a indica cu esaki ta su di tres (3) bishita na Howard University. Un partnership cu Howard University ta hopi importante. Howard University ta forma leader den nan comunidad. Durante e reunion a trata e siguiente topiconan: pa studiante local continua nan estudio na Howard y in-state tuition. Adicionalmente, Howard University kier trece algun studiante Aruba en conexion cu e proyecto di IPA. Tambe a trata un posibel beca pa e atletanan. Ta purba pa crea oportunidad pa e studiantenan di Aruba continua cu nan estudio na Washington DC y pa e studiantenanan di Merca por haci un intercambio di estudio na Aruba. Sra. Ankie Danker a expresa cu nan a dialoga cu e team di Howard University over di “samenwerking” cu Colegio EPI y Universidad di Aruba. Pero e enfoke di Colegio EPI ta mas pa e colaboracion entre e docentenan, con por intercambia of con e docentenan di Howard University por duna les riba tereno di educacion. Tambe, pa wak con e studiantenan di Colegio EPI por stroom door y habri nan interes pa studia na Howard University. Sra. Ankie Danker a expresa cu Howard University ta un scol hopi interesante cu bunita historia y ta bunita pa wak kico nan ta boga p’e y Colegio EPI kier sigui coopera riba e tereno aki. Sr. Oliver Street di Howard University ta indica cu studiante rond di mundo ta bonbini na Howard University y nan lo ta contento di haya studiantenan di Aruba na Howard University. Ademas di esaki, Sr. Oliver a indica cu Howard University ta ofrece diferente beca deportivo y ta expresa cu nan ta spera di por tin e oportunidad di tin studiantenan di Aruba cu por participa den nan ekiponan deportivo y alabes haya un gran experencia academico. Sra. Tonija Hope di Howard University a expresa cu a trata e posiblidad pa e studiantenan di Aruba, tanto riba e nivel di “Undergraduate” y “Master” pa por continua cu nan estudio na Howard University. Howard University ta ofrece un variedad di disciplina cu na e momento aki no tin na Aruba. Nan expectativa ta cu e studiantenan di Aruba ta bin studia na Howard University y unabes nan ricibi nan diploma nan por contribui na e desaroyo di Pais Aruba. Sra. Hope a subraya cu durante e encuentro a trata con esaki ta financieramente posibel pa e studiantenan. Tambe a trata becanan pa atleta den e disciplinanan cu Howard University ta ofrece. Un reunion interesante y extenso, tratando pa crea oportunidad pa nos studiantenan di Aruba cu ta desea di eherce un estudio na Howard University. Aplicando e cuater (4) C-nan di habilidad di siglo 21 pa tinexito durante nan estudio, cual ta para pa comunicacion, colaboracion, pensamento critico

(critical thinking) y creatividad.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio