ORANJESTAD, Recientemente, Fraccion di MEP a haci un bishita na Crisis Management Office (te cu recien conoci como BRA: Bureau Rampenbestrijding).
Durante e bishita aki e parlamentarionan a cera conoci cu e trahadonan, e edificio y haya hopi informacion con CMO ta bini hunto y strategia durante crisis/calamidad y / of con pa maneho di riesgo cu demas departamentonan.
Pais Aruba ta un di e paisnan mas avansa, den sentido CMO ta hopi bon documenta, ta e punto central y traha bon cu otro departamentonan y tin nan mesun logistica.
Fraccion di MEP a logra di wak tur e oficinanan di reunion, e diferente unidadnan mobil y e diferente materialnan cu tin disponibel pa diferente scenario di crisis/calamidad.
Fraccion di MEP kier a gradici Crisis Management Office / CMO pa a ricibi nan. Nan a keda sumamente impresiona cu tur loke CMO a haci y ta sigui haci pa asina mehora cada bes e maneho di riesgo y /of preparacion di ayudo/sosten den cualkier scenario di crisis/calamidad cu lo por presenta na Aruba.