Recientemente miembronan di fraccion di AVP a hasi un bishita na Brighter Future Academy Foundation. E bishita aki tambe a ser plania en connecion cu dia internacional di concientisacion pa cu autismo. Brighter Future Academy ta un proyecto cu ta brinda oportunidad entre otro na muchanan cu no a logra den prome instante pa drenta e sistema escolar subsidia di Aruba. Esaki ta importante pa miembronan di Parlamento pa hasi e bishita aki pa scucha di serca locual cu e scol aki ta brinda, con e proyecto aki a nace y e necesidad cu tin den comunidad.
A scucha di entre otro Sra Uleike Tromp kico ta nan retonan y tambe diferente experiencia y storianan di exito di diferente alumno di nan cu a logra drenta back den e sistema subsidia di scol. Y tin otro alumnonan cu ta beneficia di e tipo di Enseñansa cu nan ta brinda. Fraccion di AVP ta gradici Brighter Future Academy Foundation pa a habri porta pa e miembronan.
Ban celebra con tur mente ta traha. Ban enfoka como un comunidad ariba kico nan por haci, kico nan por logra y con nos por apoya nan den nan desaroyo y inclusion den nos comunidad. Nos tur como ser humano ta diferente y nos ta tuma un momento pa trece concientisacion pa Autismo.
