MERCA: Despues di libera e peso di e laagnan di ijs, algun area na e costa oost di Merca a cuminsa expande, mientras cu otro partinan, inclui e zona unda New York ta ubica, parce di ta birando mas stabil.
“E relahacion aki ta causando e sinkmento”, segun Tom Parsons, geofisico investigador di Pacific Coastal and Marine Science Center di USGS na California, y un di e cuater autornan di e estudio.
E ciudad di New York, segun Parsons, “por wordo considera representante di otro ciudadnan costero di Merca y di mundo, cu tin poblacionnan den crecimento pa motibo di e migracion, cu ta experencia urbanisacion asocia y ta confronta aumento di e nivel di lama”.
Ta existi varios motibo pa cual e ciudadnan na costa ta sink, pero e peso di e infrastructura humano riba e tereno ta hunga un rol importante. E escala di e infrastructura aki ta significativo: na 2020, por ehempel, e masa di e obhetonan traha pa e ser humano a supera e biomasa bibo.
Esaki ta algun di e motibo, cu e cientificonan aki ta splica cu e proceso di sinkmento di e ciudad mericano ta tumando lugar, banda di e peso di e construccion di mas y mas edficio, locual ta pone mas peso na e ciudad di mas di 8 miyon habitante.