Costa Rica a confirma e prome caso di malesa di pulmon relaciona cu ‘vaping’

SAN JOSE: Un hoben di 16 aña cu tabata vape tur dia durante tres luna ta e prome caso confirma na Costa Rica di e malesa di pulmon (Evali) relaciona cu ‘vaping’.
Instancianan oficial na Costa Rica a duna di conoce e siman aki cu e pashent tabata tin un tiki mas di 3 luna caminda e tabata utilisa e sorto di dispositivonan electronico aki pa ‘vape’ scondi di su mayornan.
E parti mas grave di su situacion di salud a trece cu ne cu mester a poni den cuidonan intensivo (intensive care) durante 29 dia. Eynan e mester a wordo intuba (haya ventilacion asisti).
Evali no ta un afeccion respiratorio simpel, e malesa aki, pa su caracteristicanan, ta conduci na lesionnan of cicatrisnan den e pulmonnan.