Willemstad, Corsou:
Dialuna Warda Costa a logra intercepta un boto local cu basta droga abordo. Tabata den oranan di merdia cu Warda Costa a nota un contacto sospechoso bayendo direcion di Corsou. Despues di a detecta esaki e Centro di Operacion Maritimo di Warda Costa a manda un boto di patruya direcion di e boto sospechoso.
Na momento cu nan a acerca e boto sospechoso nan a par’e y a pidi e tripulante pa nan bay mara na e pier di Kustwacht pa asina nan por haci un control abordo di e boto.
Na momento cu e boto sospechoso a mara na e pier, Warda Costa hunto cu Douane a haci un control rigoroso abordo di e boto.
Abordo di e boto di piscado local a bin topa cu 223 pakete cu tabata contene un total di 260 kilo di Cocaina.
E cuater personanan abordo di e boto ta biba na Korsou, tur cuater sospechoso a wordo mesora deteni y pasa over pa Kuerpo Polisial di Korsou.
Personal di e Divishon di Krímen Organisá
a tuma nan over for di personal di Warda Costa.
E hòmbernan sospechoso ta:
E.J.A.M. di 27 aña di edad naci na St. Maarten;
R.F.L.E. di 28 aña di edad naci na Kòrsou;
G.A.B. di 33 aña di edad naci na Kòrsou;
R.R.S. di 44 aña di edad naci na Kòrsou.
Tambe e team cu ta encarga cu investigacion a confisca e droga y esaki a wordo destrui. E 4 sospechosonan a presenta dilanti fiscal auxiliar cu a ordena nan encarcelacion pendiente di mas investigacion.