285
Camacuri – Diaranson atardi laat por a mira Brandweer y Polis na e edificio di belasting na Camacuri.
Ariba e parkeerplaats por a mira un grupo di locual ta mustra ta algun empleado.
E motibo tawata cu e esnan cu lo a keda traha laat lo a mira acumulacion di huma; y mesora a bati alarma cu tin candela.
Segun nos a compronde esaki tawata na e di tres piso.
Bomberonan cu a yega mesora a bay controla di un e huma tawata bin.
A resulta cu un ballast di un luz tawata a daña y esaki lo tawata e causa di huma.
Brandweer a instrui esnan responsabel kiko nan mester haci, esta habri mas bentana y porta posibel pa e huma por sali.
