Kazernestraat – Diasabra atardi automobilistanan den Playa a tuma nota cu algo lo tawata pasando den un tienda grandi situa den Oranjestad.
Por a mira presencia di dos unidad di Brandweer y varios hende a pensa cu e edificio tawata na candela. Pero tambe por a mira ambulance y polis.
Locual cu a sosode tawata cu un persona den e luga full ariba a bira hopi malo, y no tawata reacciona. Parse cu e lo no tawata halando rosea, ta trata di un dama.
Mirando unda e la bira y cu e Paramediconan nan so lo no por bah’e, a solicita presencia di nan coleganan di Brandweer. Esakinan mester a yega lihe pa asina usa un stretcher special pa carga e persona y trece full abou unda e ambulance tawata.
Di eynan una bes den e ambulance esaki a sali direccion Hospitaal cu e persona pa ricibi tratamento medico mas avansa.
