CAPE CANAVERAL, Fla. — Despues di un estudio di un aña tocante OVNI/UFO, NASA ta lansa un informe diahuebs tocante kiko nan mester pa identifica miho obheto volador no identifica for di un punto di bista cientifico.
No spera muchu. Na e unico reunion publico di e aña aki, e ekipo independiente selecciona pa e organisacion espacial a insisti cu no tin evidensia contindente di bida extraterrestre asosia cu OVNI.
Segun NASA nan no tin acceso na archivonan secreto pa e cientificonan, expertonan den aviacion y inteligensia artificial, y e astronauta retirá di NASA Scott Kelly, e prome Mericano cu a pasa casi un aña den espacio. Envez di esey, e grupo di 16 miembro a basa nan investigacion ariba datonan cu no ta clasifica den un esfuerso pa compronde miho e avistamentonan/sightings sin explicacion den e shelo.
NASA a bisa cu tin asina poco observacionnan di calidad halto cu no por trece conclusionnan cientifico.
Gobierno ta yama avistamentonan sin explicacion UAP, of fenomenonan aereo no identifica.
NASA ta defini nan como observashonnan den e shelo cu no por identifica of splica cientificamente.
E estudio a cuminsa un aña pasa y a costa menos cu $100,000.