Home » A presenta curpanan cu no ta humano na Parlamento Mexicano y nan ta pidi pa reconoce cu tin bida extraterrestre

A presenta curpanan cu no ta humano na Parlamento Mexicano y nan ta pidi pa reconoce cu tin bida extraterrestre

by Admin
0 comment 371 views

Mexico

“Cu e muestra di dos curpa no di ser humano na Paralamento di Mexico, Ufologo Jaime Maussan y expertonan den e materia a pidi na parlamento pa reconoce bida extraterrestre den e pais ariba 12 di september. Esaki ta como parti di e prome reunion publico den un ruta pa posiblemente bin cu un wetvoorstel ariba e fenomeno UFO cu ta obhetonan volador no identifica na Mexico.

E Ufologo y comunicador Mexicano ta sospecha cu e dos curpanan mustra tin mas cu 1000 aña, segun un investigacion haci pa Universidad Nacional Autónoma de México (UNAM). Institucion cu a determina, pa medio di analisis di carbon 14, cu nan a keda dera pa un milenio den un tipo di alga cu no ta laga pa tin cresemento di bacterianan ni/of fungusnan, loke a posibilita nan preservacion.”

“Maussan a enfatisa cu e sernan supuestamente extraterrestre no ta curpa nan recupera for di aparatonan cu a cay riba tera, sino nan tabata dera. “No ta trata tampoco di momia nan, ta trata di curpa nan cu a keda henter, completo, cu no a wordu manipula den nan interior y cu tin un seri’e di elemento cu ta haci nan verdaderamente extraordinario”, el a expresa.

Prueba di bida extraterrestre

Pa Maussan tin suficiente prueba pa demostra cu tin bida extraterrestre. E la afirma cu si nos tin e firmesa di acepta “cu nos ta wordu bishita pa inteligencianan no humano cu ta bini na tera for di profundidadnan di universo, incluso cu por tin posibilidad di biaha pa otro universo nan”.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio