Home » DUO ta bishita Region Caribense Paga debe di estudio bek? No paga mas cu loke ta necesario!

DUO ta bishita Region Caribense Paga debe di estudio bek? No paga mas cu loke ta necesario!

by Admin
0 comment 218 views

Algun ex-studiante cu ta amortisando nan debe di estudio, ta pagando un suma mas halto bek di loke ta necesario. P’esey Dienst Uitvoering Onderwijs (DUO) ta pidi extra atencion pa esaki durante e bishita den Region Caribense den herfst. For di fin di september te cu comienso di november lo bishita consecutivamente Saba, St. Eustatius, Sint Maarten, Aruba, Boneiro y Corsou. Riba tur e islanan lo tin oficinanan di servicio temporal habri durante e bishita y DUO ta organisa encuentronan informativo tocante financiamento di estudio.

Habitantenan di e Region Caribense cu ta pagando un debe di estudio bek na DUO, hopi biaha ta pagando un suma mensual mas halto cu loke ta necesario. Esey mayoria biaha ta pa motibo cu e entrada di e persona cu ta pagando bek no ta conoci serca DUO, di forma cu no ta tene cuenta cu esey ora di calcula e suma mensual. Hopi di esnan cu ta pagando bek no sa cu nan mes mester pidi reduccion di e suma mensual y cu nan mes mester indica nan entrada mensual tambe. Ademas, despues di recalculacion, e suma mensual nunca lo no surpasa e suma mensual original.

Esnan cu ta pagando bek cu ainda no a pidi reduccion di e suma mensual lo ricibi un e-mail di DUO na september. Den e e-mail tin para kico nan por haci. Nan ta bon bini tambe na un di e oficinanan di servicio temporal di DUO pa pidi e reduccion of cu pregunta tocante e topico. 

Oficinanan di servicio temporal

Pa pregunta tocante pagamento bek di e debe di estudio na DUO of financiamento di estudio por pasa na un di e oficinanan di servicio temporal. E colaboradornan por yuda tambe cu yenamento di formulario of si un persona no tin acceso mas na Mijn DUO. 

Ex-studiantenan cu ta pagando un debe di estudio bek por pidi un reduccion di e suma mensual na e oficina di servicio. Ta practico si mesora nan bin cu un declaracion di entrada di servicio di impuesto di 2021 y 2022, di manera cu e colaboradornan di DUO por yuda inmediatamente.

Pa bishita un di e oficinanan di servicio no mester traha afspraak. Si tin mester di un documento di legitimacion valido.

Informacion online via di webinars 

Den e webinar ‘Pagamento bek for di Region Caribense: con esey ta bay?’ Duo ta duna splicacion tocante entre otro peticion di reduccion di e suma mensual, indicacion di e entrada y e bentahanan di pagamento bek lokal. 

Tin tambe un webinar special pa futuro studiantenan cu no por ta presente na e encuentronan informativo tocante financiamento di estudio (akibao tin mas informacion tocante e encuentronan aki) of cu ta biba na Saba of Sint Eustatius.

Ambos webinar ta gratis y disponibel cu subtitulo na ingles.

Encuentronan informativo pa futuro studiantenan

Futuro studiantenan y nan mayornan por inscribi nan mes riba tur e islanan (cu excepcion di Saba y Sint Eustatius) pa e encuentro informativo ‘Pidi financiamento di estudio for di Region Caribense: con esey ta bay?’ Durante e 

encuentronan DUO ta conta kico financiamento di estudio ta consisti di dje, con y na ki momento studiantenan mester pidi financiamento di estudio y kico mas nan mester regla. Naturalmente tin espacio tambe pa haci pregunta. 

Tuma contacto na un otro manera?

Bo tin pregunta ainda despues di un bishita na un oficina di servicio, e encuentronan informativo of e webinarnan? E ora ey bo por videocall cu DUO of DUO por yama bo. Wak pa tur opcion di contacto riba duo.nl/antillen.

Mas informacion

Riba 25 y 26 di september DUO ta na Saba i riba 27 y 28 di september na Sint Eustatius. Di 2 te cu 6 di oktober na Sint Maarten, di 10 te cu 20 di oktober na Aruba, di 16 te cu 20 di oktober na Boneiro y di 23 di october te cu 3 di november na Corsou. 

Por haña mas informacion tocante e oficinanan di servicio temporal, e encuentronan informativo y e webinarnan riba duo.nl/bezoekantillen.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio