Italiëstraat – Diasabra mainta den careda di 10’or un cantidad di vehiculonan policial a rondona un Nissan March, esaki tawata staciona den parkeerplaats di un gym grandi den Italiëstraat.
Locual a sosode
Informacion na e sitio a indica cu chauffeur di e Nissan March, un rato prome a menasa un famia cu arma di candela.
E famia mesora a avisa polis y lo a sigui e ruta cu e March a tuma.
Mirando cu ta trata di un caso serio, e victima lo a reconoce e auto staciona na trapi den e gym situa den Italiëstraat.
Agentenan a subi y a rondea rond den gym y a puntra, pero nada. No a keda nada otro pa confisca e March cu falta bumper, y di eynan recherche lo tuma e caso over.
Pues aki ta trata di un caso serio di menasa cu arma di candela, husticia ta tuma caso manera esaki hopi na serio y tin consecuencia tambe pa esun cu a comete y nan sa ken e ta.
Autoridad tin tur dato di locual a sosode y ta sigui cu e investigacion te ora detene e persona aki.
