Home » Aruba Bank su gran evento MEGA The Return Un biaha mas un exito!

Aruba Bank su gran evento MEGA The Return Un biaha mas un exito!

by Admin
0 comment 323 views

Oranjestad- Aruba- 7 di september 2023 – Un biaha mas Aruba Bank a surpasa tur espectativa cu su Car Sales Campaign & Event, e campaña y evento di benta di auto di mas grandi di Aruba. E aña aki e evento a haci un “come-back” den su formato original, y a carga e nomber “MEGA The Return”. MEGA a atrae hopi cliente existente y cliente nobo cu tabata entusiasma cu e oferta di Aruba Bank, cu ta inclui entre otro e beneficio di cumpra un auto NOBO y cuminsa paga te na Maart 2024.

For di momento cu e campaña y evento a ser anuncia Aruba Bank a experencia un entusiasmo grandi serca e diferente agencianan di auto na Aruba, y asina cu a activa e promocion pa e campaña , clientenan mesora a cuminsa bishita e dealers nan y tambe Aruba Bank mes, pa asina realisa e auto di nan soño.  


Otro beneficionan di e campaña tabata entre otro, aprobacion pa prestamo cu “0” downpayment y interes reduci di solamente 5.00 – 5.25% (interes efectivo a varia entre 5.12% y 5.38%). Diferente cliente tambe a scoge pa extende nan periodo di prestamo te cu seis of shete aña pa asina haci posibel pa nan cumpra e auto di nan soño y toch yega na un quota mensual cu ta conviniente.

Aruba Bank ta manda un “danki” na tur bishitante cu a sostene Rotaract, door di cumpra cuminda of bebida, asina yudando nan yega na fondonan pa cumpli cu nan metanan di brinda yudansa den nos comunidad.

Aruba Bank ta gradici tur car dealers, sin lubida e ekipo grandi di empleadonan cu a traha den preparación y durante e evento, y sigur e comunidad di Aruba pa a scoge Aruba Bank como nan banco pa por a realisa nan auto NOBO. Ta un placer pa brinda servicio y productonan na comunidad y di e forma aki yuda clientenan logra nan metanan. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio