J.E Yrausquin Boulevard – Diaranson anochi den menos di 2 ora cu Brandweer a termina cu a candela di Bubali Plas ariba Avenida Nelson O.Oduber, nan ta hayanan ta bolbe sali pa un un otro candela mas panort.
Rond di 7:20 Brandweer ta sali combati e prome candela na Bubali Plas, algo prome cu 9’or di anochi informacion ta drenta di un otro candela, e biaha aki den e skina cerca di Marriot Courtyard antes The Mill.
Un candela basta grandi cu na prome instante a causa conmocion debi na e grandura.
Mesora polis a bay over na cera e camindanan pa asina evita aglomeracion di trafico den e area y si mester a bay over na evacua.
E parti ultimo no tawata necesario, por a mira guestnan y tambe empleadonan sinta ariba parkeerplaats contemplando e candela y e trabou di brandweer.
Tres ambulance a standby altura di e ex House of Cheng pa si encaso mester drenta den accion, pero no tawata necesario.
A resulta cu tawata trata di un candela di mondi, cu segun informacion circulando ta cendi door di un hende.
Un Pyromaan cu no ta pensa e daño cu e ta causa na nos medio ambiente, pensa ariba tur e bestianan cu ta biba den e matanan.
Nos ta spera cu autoridad por pone man mas lihe cu ta posibel ariba e individuo/nan aki.
