Home » MINISTER ENDY CROES TA FELICITA SRA. MEREDITH DIJKHOFF CU A CUMPLI E BUNITA EDAD DI 60 AÑA

MINISTER ENDY CROES TA FELICITA SRA. MEREDITH DIJKHOFF CU A CUMPLI E BUNITA EDAD DI 60 AÑA

by Admin
0 comment 187 views

 

 

ORANJESTAD: Diasabra ultimo, rondona pa famia-y amistadnan Sra. Meredith Dijkhoff a celebra engrande su 60 cumpleaños. E bunita recepcion a tuma luga na residencia di famia Dijkhoff na Tanki Leendert. Sra. Meredith cariñosamente yama Mary ta casa di Sr. Chiki Dijkhoff, mama di Ashline Dijkhoff y Eldrick Dijkhoff y wela di K’ drian y Elk-rae. Minister Endy Croes acompaña pa su kerida esposa Dilailah Croes tabata presente pa celebra e ocasion special aki cu Sra. Mary. Un bunita fiesta di kita sombre y excelente buffet cu Sra. Mary a prepara pa varios luna pa celebra su fecha natal.  Sr. Derwin Kemp “Kempy” a habri e fiesta cu e bunita gospel “Mi baranka” pa gradici Dios cu Sra. Dijkhoff a yega e bunita edad di 60 aña. Un tremendo fiesta den union familiar unda a reina un dushi ambiente. E banda Shine Music a deleita tur esnan presente cu nan exitoso repertorio. Aruba su Soca Monarch y Road Jam di Carnaval 69 Jair “Casper” Dijkhoff y e surprise di e anochi Freddy Rasta a pone e cherry riba e bolo. Minister Endy Croes ta desea Sra. Meredith Dijkhoff hopi bendicion y hopi aña mas di bida y salud! Masha pabien! 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio