379
Boegoeroei – Dialuna mainta trempan no a habri bon pa algun turista cu ta hospedando na un compleho di apartamento situa na Boegoeroei.
Polis dialuna mainta trempan a bay Aruba Sea Star Apartments na Boegoeroei, unda cu un persona lo a hoga.
Na yegada e persona o sea e curpa ainda tawata den e pool. Ambulance tambe tawata na caminda y alabes a notifica e otro instancianan concerni.
Te na momento cu nos tawata na e sitio dokter no a yega e sitio ainda. Departamento tecnico di polis si a yega y tawata haciendo nan investigacionnan, pa despues saca e curpa for di pool.
Lo ta trata di un turista Colombiano masculino di 50 aña di edad.
