Hopi hende ta puntra nan mes: Kico ta Alma, con nos por sa cu e ta existi, con pa conecta cune, ki poder e tin; enfin tin un cantidad di preguntanan diverso cu ta busca pa aclarea un di e misterionan grandi di bida spiritual, cu no por keda splica nunca for di razonamento.
E paradigma cientifico actual no ta reconoce e dimension spiritual di bida.
Ciencia ta bisa nos cu nos ta nada mas cu e actividad di koolstof y algun proteina; cu nos ta biba un rato pa despues muri. Tradicionalmente ciencia a descarta e alma mane un obheto di creencia hunamo, of a reducie na un concepto psicologico.
– Kico ta Alma?
– Ki poder e tin?
– E ta inmortal?
– Na ki momento e Alma ta drenta e curpa humano?
– Animalnan tambe tin Alma
– Tin diferencia entre Alma y Spirito?
Bo kier sa mas? Anto bo ta keda invita pa scucha y participa den e programa COSNAN STRAÑO, dialuna 28 di augustus pa 8.30 di anochi ora nos trata e topico: E PODER DI NOS ALMA, atravez di Aruba Native, Canal 22 y Top FM95.