OE AZV ta informa:  Entrante 1 di september adaptacion di e aporte financiero di AZV pa cuido medico den exterior. 

Ta un placer pa Organo Ehecutivo AZV (OE AZV) informa su aseguradonan cu entrante 1 di  september 2023 tin un cambio na fabor di e aseguradonan cu tin cu haya nan cuido  medico den exterior.  

Ora tin aprobacion, OE AZV ta cubri pasashi (ida y buelta) di e pashent y di un  acompañante social di cual e acompañante social tin un aporte propio pa su ticket.  Adicionalmente OE AZV ta cubri e gastonan medico (e.o e operacion of test), ta duna un  compensacion pa hotel den forma di un carta di garantia y ta yuda pa medio di un aporte  financiero cu e gastonan di cuminda y bebida (awa) pa e pashent.  

Entrante 1 di september 2023 e siguiente cambio na fabor di e asegurado (e pashent) lo  wordo introduci:  

1. E aporte financiero cu tabata 15 dollar ta bira 25 dollar. 
2. E aporte financiero (pa Hulanda) cu tabata 20 euro ta bira 30 euro. 
3. E aporte propio di e acompañante social, es decir e aporte propio pa su ticket di  biahe, cu tabata 150 florin ta bira 75 florin. 
4. E aporte financiero (daggeldvergoeding) lo conta pa cada dia di estadia den  exterior, irespecto si e pashent ta hospitalisa of no.