Home » DEN UNION, ELMAR Y DOW A LOGRA FINALISA E PROYECTO PA PONE LUZ NOBO DEN CAYA DI BERNARDSTRAAT

DEN UNION, ELMAR Y DOW A LOGRA FINALISA E PROYECTO PA PONE LUZ NOBO DEN CAYA DI BERNARDSTRAAT

Prome Minister Evelyn Wever-Croes: "Gobierno su compromiso cu San Nicolas ta un hecho, y hunto, den union y positivismo, nos lo logra cosnan grandi pa San Nicolas y Aruba en general"

by Admin
0 comment 271 views

ORANJESTAD –  Manera ta conoci, un di e visionnan di Gabinete Wever-Croes II, ta pa traha na bienestar y progreso di San Nicolas y Aruba en general. Pa cu esaki, Gobierno a aserca DOW y ELMAR pa busca un solucion pa cu e luznan den caya di Bernhardstraat. Aki ta unda e dos companianan estatal a uni y yega na un acuerdo pa asina cambia e luznan existente pa e tipo di luznan di ELMAR. E proyecto aki a wordo maneha pa e departamento di DOW mientras cu ELMAR a brinda asistencia tecnico. 

 

Despues di varios luna di trabou, awe San Nicolas y henter comunidad di Aruba por goza di e cayanan ilumina. Prome Minister Evelyn Wever-Croes ta sumamente satisfecho di mira cu e proyecto aki a wordo finalisa exitosamente. Esaki ta prueba cu ora bo ta traha cu amor pa bo pais, y den union cu otro, cosnan grandi ta wordo realisa. Awe, comunidad di San Nicolas por ta orguyoso di mira Bernhardstraat ilumina, brindando asina seguridad na e peatonnan y automobilistanan. 

 

Prome Minister ta gradici, DOW y ELMAR pa nan esfuerso conhunto den logra finalisa e proyecto aki, y e comunidad di San Nicolas, y tur e stakeholdersnan pa nan cooperacion durante e lunasnan di trabou. Tambe, Premier Wever-Croes ta enfatisa, y sigura e comunidad di San Nicolas cu nan bienestar y siguridad ta un prioridad pa gobierno, y cu e proyecto aki ta un den hopi mas cu tin pa bin. “Gobierno su compromiso cu San Nicolas ta un hecho, y hunto, den union y positivismo, nos lo logra cosnan grandi pa San Nicolas y Aruba en general” Prome Minister a expresa. 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio