Si bo ta mirando cu e calor fuerte ta causa ansiedad, iritabilidad y hasta depreshon, esaki no ta solamente un persepcion. E temperaturanan halto cu por daña no solamente e curpa, sino tambe e mente.
Segun cu e ola di calor ta bira mas intenso, frecuente y mas prolonga, ta bira mas y mas importante pa trata su impacto ariba e salud mental, segun expertonan.
“En berdad, den solamente e ultimo cinco añanan nos ta reconoce e impacto aki di berdad”, Joshua Wortzel a bisa, presidente di e comite di cambio climatologico y salud mental di Asosacion Psychiatrico Mericano, cu a wordu estableci solamente dos aña pasa.
“Nos comprension di e biologia basico di pakiko tin e relacion aki ainda ta den su fase inicial,” e la agrega.
A bin haya sa cu temperaturanan halto ta fuertemente asocia cu un cresemento den suicidio. E calor ta keda un relacion cu un cresemento den criminalidad violento y agresion, bishita na sala di emergencia y/of hospitilisacion pa cu problema mental, y tambe morto, specialmente entre personanan cu schizofrenia, demencia, psicosis y debi na consumo di substansianan.
Pa cada aumento di 1 grado Celsius (òf 1,8 grado Fahrenheit) den temperaturanan, e cientificonan ta estima cu tin un cresemento di
casi 5% den e riesgo di morto entre pashentnan cu ta sufri di psicosis, demencia òf consumo di substansia.
Investigadornan a raporta un cresemento di 0,7% den suicidio relaciona cu e subida di temperaturanan, y aproximadamente un cresemento di 4 te 6% den violencia interpersonal, esaki ta inclui homicidio.
E calor no solamente ta alimenta sentimientonan manera iritabilidad y rabia, sino tambe parece di ta empeora e enfermendadnan mental manera ansiedad, schizofrenia y depreshon.
Bishita bo dokter di cas, si bo persona por ta indentifica su mes cu e informacionnan aki