299
Heart-Centered Leadership Foundation (HCLF) ta anuncia oportunidad pa hoben adulto entre 18 pa 29 aña tuma e prome paso pa inscribi pa un trayecto di training como boluntario, unda nan ta sostene e fundacion durante su actividadnan pa hobennan entre 13 y 17 aña.
E boluntarionan aki cu ta haci un trabou admirabel y balente cu HCLF ta wordo yama Heart-Centered Impact Coaches (HCIC), unda nan ta forma parti di e realisacion di HCLF su meta pa empodera y inspira hobennan pa bira e miho version di nan mes.
Un HCIC tin e capacidad pa comunica, stimula motivacion y brinda sosten na hobennan na nivel social, academico durante un workshop, seminario y actividadnan di HCLF.
Nos ta promove experiencia di HCLF su boluntario, Zahaira Romelus, un hoben adulto di 27 aña, cu ta comparti con HCLF a yude forma su identidad profesional cu e semper tabata kier desaroya.
