Home » Resumen di casonan den Corte di Prome Instancia riba 7 september 2023

Resumen di casonan den Corte di Prome Instancia riba 7 september 2023

by Admin
0 comment 289 views

Corte di Prome Instancia 7 september 2023
Horario Sospechoso Acto Castigabel
08.30 J.D.I.K. K. ta wordo acusa di como chofer di un vehiculo, a core asina sin cuidao, inconsciente y sin paga tino den trafico cu tabata su culpa cu riba 25 di april 2022 a tuma lugar un accidente riba Kamerlingh Onnestraat, caminda el a dal un peaton cu velocidad halto, a consecuencia di cual e peaton aki a bin na fayece.
Su comportamiento den trafico a encera cu e no tabatin papel di keur, cu e tabatin un tint di solamente 3%, cu e no tabatin seguro, cu e no a tene cuidao na cruzada manera stipula den ley, cu e no a paga atencion constante riba caminda, cu el a core mucho duro y cu el a boks cu e peaton riba un velocidad iresponsable.

09.30 C.A.P.R. P.R. ta wordo acusa di tabata bende cocaine y marihuana den e periodo di 9 di februari 2000 te 9 di februari 2021.
10.30 K.J.A.W.A.
T.J.O.E. W.A. ta wordo acusa di posesion di marihuana den e periodo di prome di april 2020 te 14 di april 2021.
W.A. y E. ta wordo acusa di a intencionalmente maltrata un persona riba 15 di september 2022. E. ta wordo acusa ademas di a maltrata e persona aki cu un arma (un yabi wrench y/of un scrufdray) y di a destrui su telefon.
E. ta wordo acusa di destruccion riba 5 di februari 2022.

13.30 E.D.M.B.
R.M. M.B. ta wordo acusa di a intencionalmente maltrata su pareha riba 19 di januari 2023 dor di dal e varios biaha cu un arma (un pida palo) na su lomba y cara y cu mokete na su wowo.
M.B. y M. ta wordo acusa di tabatin plantacion di cannabis den e periodo di 2020 te 9 di januari 2023.
M. ta wordo acusa di posesion di marihauan riba 9 di januari 2023.

15.00 L.L.D.V. V. ta wordo acusa di a intencionalmente maltrata un y/of dos persona cu arma (glas y boter) riba 19 di november 2022. E ta wordo acusa di a ademas pusha un di e personanan aki cu forza y di a menaze cu morto y di a kibra un porta di su lugar riba e fecha menciona.

15.30 V.M.S.H. S.H. ta wordo acusa di a herida un persona di gravedad riba 6 di oktober 2022 dor di dal e varios biaha y cu forza cu mokete den cara. E ta wordo acusa di a maltrata e persona en cuestion riba e fecha menciona dor di ademas scop e cu forza den su barica, tene na su garganta y dal e cu mokete na su curpa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio