Tanki Leendert – Diadomingo anochi algo pasa di 7’or a cuminsa un persecusion tras di un Nissan March color blanco.
Esaki a pasa ariba Watty Vos Boulevard direccion rotondo nobo di Tanki Leendert. Akinan e auto cu no tawata kier a para pa polis a bay direccion nort, esta pa e rotonde bieu cu ta conecta pa bay Paradara, Moko, of Tanki Flip.
Varios automobilista mester a maniobra, pa asina evita un boksmento.
Na yegada di e March na e rotonde bieu di Tanki Leendert e la tuma pa bay pabou direccion Tanki Flip.
E persecusion a termina momento cu patruyanan a intercepta e vehiculo y logra par’e altura di e misa San Juan Pablo II situa na Tanki Leendert.
Polisnan a puntr’e e motibo pakiko e lo tawata coriendo duro, y entre nan e la bisa agentenan e pakiko y cu ta su cas e mester a yega lihe cu tawata “net om de hoek”.
A hala su atencion si debidamente y e por a sigui bay.
