Home » Un person herida, y bastante daño material den accidente diasabra mainta

Un person herida, y bastante daño material den accidente diasabra mainta

by Admin
0 comment 299 views

Caya Cuida bo Cura – Diasabra den oranan di mainta pa mas o menos den careda di 10:30, a sosode un accidente cu hende herida panort di Fantastic Garden.

Na yegada di polis Paramediconan tawata atendiendo cu e chauffeur di un Toyota, cu ta esun cu a resulta herida.

E dos vehiculonan envolvi tawata e Toyota y un Suzuki Vitara.

Na e sitio nos por scucha chauffeur di e Suzuki bisa cu e tawata bayendo direccion nort, momento cu pa un of otro motibo e la hay’e confronta cu e Toyota biniendo di nort.

Awa a caba di yobe e momento eynan y esaki posiblemente lo por ta causa cu e Toyota pa un of otro motibo por a perde control. Esaki a causa cu e señora na stuur di e Vitara tambe a bay maniobra, pero lamentablemente toch nan a dal contra otro.

Ambos vehiculo a sufri basta daño material.

Chauffeur di e Toyota a wordo transporta pa Hospitaal pa atencion medico, mientras polis di trafico a keda na e sitio tumando datos y mester warda pa takelwagen bay cu ambos auto, cu no por a move mas ariba nan mes.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio