No laga basora mishi bo pia ora nan ta bari vloer;
No pone sapato riba mesa;
Diabierna 13 no ta dia pa haci negoshi ni pa casa;
Si bo yega bo cas anochi despues di 12’or, drenta cas cu lomba pa spirito malo no drenta bo tras;
No pasa bow di un trapi,
Kibra un spiel ta trece mala suerte pa 7 aña;
Kibra tayo of glas ta trece suerte;
Bula over di mucha chikito ta strobanan di crece.
Mal wowo;
Ora aña nobo habri, come 12 druif;
Nami bati (knock on wood).
Ta djis algun di e tantisimo creencianan di supersticion cu te dia di
awe ta bibo den nos comunidad.
Y maske bo no ta considera bo mes un persona supersticioso, e chens
ta grandi cu creencianan supersticioso tin influencia riba bo bida tambe.
Bo a yega di puntra bo mes unda e creencianan supersticioso aki a origina? Ta cuanto tin. Kico nan nificacion ta? Cuanto hende ta tene debido cuenta cu nan?
Bo kier sa mas, anto bo ta keda cordialmente invita pa scucha, mira, participa y comparti bo conocemento y experiencia den e programa COSNAN STRAÑO, dialuna 14 di augustus pa 8.30 di anochi atravez di Aruba Native, Canal 22 y Top FM95.