Home » Situacion delicado mientras ELMAR ta eherce trabou di reparacion riba kabel pa reestablece operacion normal

Situacion delicado mientras ELMAR ta eherce trabou di reparacion riba kabel pa reestablece operacion normal

by Admin
0 comment 211 views

Oranjestad, 10 augustus 2023 – Den proceso di construccion di un Onderstation nobo na Sabana Blanco, nos ta realocando diferente kabel di 60KV. Pa realisa e trabou aki, nos a kita carga di e kabelnan cu lo wordo realoca y transferi esaki pa kabelnan alternativo pa asina nos por sigui distribui coriente. Regularmente ELMAR ta realisa trabounan sin interumpi e servicio di coriente door di transferi carga pa rutanan alternativo

Manera ya ta conoci, diamars, 8 di augustus, durante e trabounan tumando lugar na e Onderstation Sabana Blanco, un contratista encarga cu realoca diferente kabelnan a dal y daña e kabel di transmision di coriente di 60KV cu ta bay Onderstation Paardenbaai, cual ta suministra coriente na e area di Centro di Playa y vecindario. E suceso aki a resulta den un interupcion di servicio di coriente.

Nos a interumpi e servicio di coriente den Centro di Playa inmediatemente despues cu e kabel a ser daña. Pa evita cualkier potencial peliger y garantisa e siguridad di e tecniconan na e sitio di e incidente. Simultaneamente, pa isola e seccion daña di e kabel y scapa e restante di e kabel di transmision, y tambe e instalacion di 60KV.

Despues cu e tecniconan di ELMAR a isola e problema cu e kabel di transmision aki, nos a implementa un solucion pa transferi e carga di e kabel cu a kibra pa otro kabelnan. Esaki ta posibel door di e flexibilidad di e grid di coriente di ELMAR. Asina nos a reestablece e suministro di coriente den e area afecta via rutanan alternativo. Den tur situacion di interupcion di servicio, si ta posibel, ELMAR ta transferi e carga pa kabelnan alternativo pa reestablece suministro di coriente mas lihe cu ta posibel.

Manera ya menciona, regularmente ELMAR ta realisa trabounan sin interumpi e servicio di coriente door di transferi carga pa rutanan alternativo. Pero e proceso di transferi carga por medio di otro kabelnan pa reestablece e suministro di coriente despues di e suceso na Onderstation Sabana Blanco a crea un situacion delicado, door cu e kabelnan alternativo tabata cargando un cantidad grandi di coriente adiconal caba door di trabounan cu ta andando na Onderstacion Sabana Blanco, den proceso di construccion di un Onderstation nobo. Esaki ta pone un desafio adicional pa nos team di tecnico. Door cu e suceso di ayera a resulta cu nos mester transferi e carga di un kabel daña pa mas kabelnan alternativo.

Door cu nos tecniconan na e sitio a interumpi e servicio di coriente inmediatamente despues di e suceso, nos a scapa e restante di e kabel di transmision, y tambe e instalacion di 60KV. Manera ya menciona den e relato di ELMAR riba e suceso, inmediatamente despues di e suceso nos team di GIS a cuminsa diseña un plan pa realoca e kabel di transmision di 60KV, trahando cu rapidez y seriedad pa trata e situacion actual. Desde ayera, 9 di augustus, nos team di Underground Services (Kabelafdeling) a cuminsa ehecuta e plan pa drecha y realoca e kabel pa asina reestablece operacion normal. Alabes ELMAR ta reenforsando e team cu tecniconan adicional di Prysmian di Hulanda riba caminda pa yuda cu e situacion actual. E trabounan aki lo tin un duracion di mas o menos 2 siman.

Nos tecniconan lo monitorisa e situacion aki durante henter e periodo menciona. ELMAR ta mantene su compromiso pa informa nos comunidad tocante e desaroyonan y avansenan durante e proceso di reestablecimento. Nos ta gradici nos clientenan pa nan comprension y confiansa.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio