Home » ARUBA MARRIOTT RESORT Y AHATA TA CREA OPORTUNIDAD UNICO PA STUDIANTENAN DEN E RAMO CULINARIO DI E.P.I

ARUBA MARRIOTT RESORT Y AHATA TA CREA OPORTUNIDAD UNICO PA STUDIANTENAN DEN E RAMO CULINARIO DI E.P.I

by Admin
0 comment 245 views

PALM BEACH, ARUBA – Aruba Marriott Resort ta sumamente orguyoso di recientemente por a sostene un di Marriott International su balornan fundamental, cual ta pa sirbi e comunidad. Por medio di esaki, Aruba Marriott y su Complex General Manager, Raoul Lemmerling, conhuntamente cu AHATA y su Predidente, Tisa LaSorte, a dicidi di acerca E.P.I sector Horeca, pa asina invita seis di nan top studiantenan den e area culinario pa forma parti di un oportunidad unico den ‘partnership’ cu Michelin Star Chef, François Geurds, kende ta doño di dos restaurant cu tin Michelin Stars na Rotterdam, Hulanda.

 

Aruba ta desaroyando continuamente den ambos e ramo di turismo y tambe esun culinario, y cu esaki, AHATA ta contento di por aporta na e studiantenan culinario di E.P.I. pa por brinda e oportunidad di traha conhuntamente cu François Geurds durante tres evento na Aruba Marriott. Entre e seis studiantenan participante, dos di nan a wordo selecta pa chef Geurds, pa asina bay Hulanda y sigui traha cu e chef den un programa di cuater luna como stagiaire den un di su restaurantnan cu tin dos Michelin Stars.

 

E dos studiantenan selecta a keda na nomber di Jofre Ridderstaat y Yvan Curiel. Aruba Marriott, E.P.I y AHATA ta felicita e studiantenan aki kende a demonstra nan habilidadnan na chef Geurds y awo ta cla pa bay Hulanda pa nan stage cu contribucion di Aruba Marriott y AHATA pa nan estadia. Esaki sigur lo ta un temporada yena di enseñansa y cu lo enrikece nan sabiduria y capacidadnan den e area culiniario na nivel halto. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio