ORANJESTAD – (18 di juli 2023) Na final di un campaña sumamente exitoso, Wendy’s Aruba a haci entrega oficial di premio na dos feliz ganado. Ta trata di Tahelys Werleman y Claudette Maduro, kendenan a participa den e promocion di Chimichurri Cheeseburger Combo cu Coke No Sugar y awo ta bay disfruta di e vakantie di nan soño.
E campaña aki a core pa un tempo limita como parti di e promocionnan cu regularmente Wendy’s ta trece pa miembro di su Loyalty Program. E siguiente campaña a inicia caba hunto cu e delicioso Pretzel Bacon den su version Cheeseburger of Chicken. Mas detaye di esaki pronto a traves di e plataformanan social di Wendy’s Aruba.
Pa bira miembro di e Loyalty Program di Wendy’s ta gratis. Djis bay riba e website www.wendysaruba.aw, click riba e tab di Loyalty Program, hinca bo datonan personal y ta cla. For di e momento ey, duna bo number di telefon cada bes bo haci un pedido na cualkier di e cinco sucursal di Wendy’s rond di Aruba.
Diamars atardi di dia 18 di juli y den presencia di Jessica de Veer, representante di Tropical Bottling Company, Nora Rivera, General Manager di Wendy’s Aruba y e personahe mes di Wendy, a presenta e premio na cada ganado na balor di tres mil florin cada un.
Ambos a expresa emocion ora di a haya sa e resultado y ta masha gradicido na Wendy’s pa brinda e oportunidad di come dushi y gana premio asina fabuloso. Wendy’s y Coca Cola tambe ta yama danki na tur cu a participa den e campaña aki y pa e sosten di henter Aruba.