Tabata diabierna anochi sumamente carnavalesco y ambientoso, unda Dushi People y turistanan por a gosa di e trahenan di DCG y di e tremendo musica y animacion di Youth Extreme Baby y Melvin “Menjo” Garcia.
Aurora – Magic of the Northern Lights ta e tema cu DUSHI a presenta, un grupo carnavalesco conoci pa su ambiente unico y creatividad diferente.
Reaccion ricibi tabata grandi pa e trahe diferente y bunita cu DCG a presenta.
E anochi aki nos Reina cu a bira e Reina Hubenil di Aruba su curason, Ilaijah Croes, a traspasa e corona pa reina hubenil di C70 kende lo representa Colegio San Antonio/Dushi Carnival Group den C70, Aliyah Ridderstap.
Tambe DCG su Señora Carnaval Daphny Kelly Martijn a traspasa su corona pa e proximo Señora Carnaval di Aruba, Michelle Gerritsma-Thijsen.
DCG tabatin e honor di por a conta cu presencia di nos Minister di Cultura, un activista cultural cu ta biba nos cultura, kende a corona e reinanan di DCG, Minister Xiomara Maduro.
BO KIER TA DEN DUSHI?
Pa sigura bo lugar den DCG ta facil. Cu un downpayment di AWG 200 y un pago mensual di por lo menos AWG 100, bo luga den e massa di DUSHI PEOPLE ta reserva.
Un danki grandi na nos diseñador Andrew Curiel. Na Ricardo’s Restaurant situa na Aruba Beach Club, danki di curason pa a host e evento grandioso aki di DUSHI. Na nos sponsor principal CARQUEST, bo ta cla pa DUSHI PEOPLE?
Na DUSHI PEOPLE: Are you readyyyy??? NOS TA CLA P’E!