ORANJESTAD, Aruba – 24 Juli, 2023: Aruba Hotel & Tourism Association a tuma nota cu den weekend Polis tabatin accion exitoso pa aresta bendedor di droga na Palm Beach. AHATA ta aplaudi y gradici Cuerpo Policial pa e logro y ta spera cu tin consecuencia serio pa tur criminal cu ta trese actividad illegal den zona turistico.
Team di seguridad di hotelnan tin relacion positivo cu Cuerpo Policial y ta comparti informacion regularmente cu polis. E dialogo ta efectivo y productivo.
Sector hotelero tin hopi tempo ta raporta bendemento di droga riba beach cual ta afecta imagen di Aruba negativamente y ta crea peliger pa nos industria principal y nos comunidad.
AHATA ta apoya esfuerso di Polis y ta spera cu lo mira mas accion den zona turistico y cu Ministerio Publico lo persigui e casonan exitosamente.
Ta conoci pa basta tempo tambe, cu e lockers riba beach ta usa pa bendedor di droga y AHATA lo prefera pa elimina nan.