Oranjestad – Aruba
Diamars anochi un dama ta bira victima di un Drive-by Shooting. Esaki a sosode den e skina unda antes tawata United Dinner, situa den Driemasterstraat y un parti den Venezuelastraat.
Locual a hala nos atencion ariba e potretnan ta e graffiti den e background, pues esun grandi ariba e muraya.
Recherchenan investigando sitio di e crimen
E number “187” ta wordo usa pa gangnan den henter Estados Unidos y otro lugarnan como un sinonimo di asesinato; e uso aki a wordo extensamente documenta na Florida, Wisconsin, Inglatera, Alemania y Noruega.
E number 187 (pronuncia “one-eight-seven”) ta wordu usa como un sinonimo pa e palabra “Asesinato” (murder).
E ta releciona na Seccion 187 di Codigo Penal di California, cu ta defini e crimen di asesinato.
Pa motibu di e coneccion aki cu homicidio, e number 187 ta hunga un papel prominente den cultura di gang, musica, y hasta den peliculanan cu ta popular.
Por ehempel, algun miembro di gang tin e number 187 tatuá ariba nan curpa, como un manera pa presumi cu nan tawata envolvi den un asesinato.