Havenstraat – Diadomingo den oranan di atardi polis a cera Havenstraat, esaki tawata pa agentenan di trafico por a conduci un investigacion relaciona cu e accidente di diabierna anochi.
Diabierna anochi rond di 11’or ta sosode un accidente serio den Havenstraat, unda cu diasabra pa diadomingo e chauffeur a fayece door di e multiple golpinan ricibi.
Un accidente cu hopi hende ta puntrando, con por ta posibel un accidente di e magnitud ey den un caya chikito.
Pues diadomingo atardi, polisnan di trafico a bolbe na e sitio y tawata haci midimentonan adicional di esun di diabierna anochi.
E no a keda te eynan, debi cu na final polis a bay unda e vehiculo ta pa continua cu e investigacion.
Noticia oficial di fayecimento di Hawin H.J.Ruiz di 31 aña wordo duna diadomingo mainta na Prensa.
