Home » ARUBA MARRIOTT TA ORGANISA EVENTO DI “MASTERS OF THE CRAFT”, UN COMPETENCIA DI CUSHINAMENTO Y ’BARTENDING’ INTERNO

ARUBA MARRIOTT TA ORGANISA EVENTO DI “MASTERS OF THE CRAFT”, UN COMPETENCIA DI CUSHINAMENTO Y ’BARTENDING’ INTERNO

by Admin
0 comment 227 views

PALM BEACH, ARUBA – Durante un dia yena di entusiasmo, e compleho di Aruba Marriott a organisa su di cuater edicion di “Masters Of The Craft”, un competencia interno, organisa pa Marriott International y cu ta wordo ehecuta mundialmente. Manera e nomber mes ta bisa, e competencia aki ta pa e meastronan den nan arte, treciendo e oportunidad pa nan por presenta creacionnan sublime na e huradonan y asina competi den e area di sea cushina of ‘bartending’.

Cu un total di seis participante pa e competencia di ‘bartending’, e mainta a cuminsa cu un ballroom yena di asociadonan cu gran anticipacion pa mira e competencia y apoya esnan participando. E maestro di ceremonia a introduci e ingrediente misterioso cu tabata ‘tamarijn’ y asina e tempo a start pa e participantenan prepara nan bebida cu speransa di traha esun cu mihor sabor, presentacion y creatividad.

Tres hurado cu experencia y experticio den ‘bartending’ a wordo pre-selecta pa asina apunta e bebidadanan ariba e diferente aspectonan y hunto saca e ganador. Esaki a termina den e man di Derry Palm, cu a presenta su “Italian Summer Refresher”, y kende ta su prome biaha ompetiendo den “Masters Of The Craft” representando su departamento, Campeones Cantina & Tequila Bar.

Pa e competencia di cushinamento, diestres participante a inscribi pa competi. Durante e competencia, e publico por a disfruta di aromanan sumamente agradabel cu tabata yena e ballroom segun cu e participantenan tabata prepara nan plato usando e ingridiente misterioso,
esta “mushrooms”. Un atardi yena di sabor, a termina cu e huradonan determinando e ganador, cu a keda na e persona di Ingrid Rodriguez, kende a presenta un tremendo plato cu e nomber “Goliath” cu sigur a laga e palet di e huradonan satisfecho.

E compleho di Aruba Marriott ta felicita e ganador nan di “Masters Of The Craft” kende awor ta bay pa e siguiente ronde, caminda nan lo competi virtualmente den cada area, esta cushina y bar, y si nan gana un biaha mas, lo cay den e gran final, caminda nan lo biaha pa “headquarters” na Miami y competi contra otro ganadornan mundialmente.

Pa esnan interesa pa cuminsa nan carera na Aruba Marriott, por bishita www.marriott.com/careers pa aplica.
Aruba Marriott Resort & Stellaris Casino a habri su portanan na aña 1995 cu 411 camber y a aña di 3 camber na 2018. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1,200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio