Rumbastraat – Diamars den oranan atardi Ministerio Publico a manda un comunicado relaciona cu e caso yama Magenta.
E ora ey tawata tin 5:30.
E informacion ta relaciona cu e entrada hudicial cu a tuma luga for di oranan di merdia pa atardi na Fast Delivery y tambe na un di e casnan di e comerciante Helder. Esun aki ta situa na Esmeralda.
Locual a capta nos atencion ta cu na oficina di Landsrecherche laat ainda nan tawata bezig, y por a mira un patruya eynan tambe. Esaki ta duna di conoce, cu probablemente tin un mas empleado publico envolvi den e caso aki.
Den careda di 8’or y mey di anochi, ainda autoridadnan tawata den Fast Delivery, compilando delaster un detaye cu ta relevante pa e caso grandi aki.
Pues nos ta papiando di mas cu 5 ora cu varios departamento hudicial tawata den e luga ristando y cu ayudo di K9 Unit.
Masha poco despues di un entrada hudicial ta permanece na e sitio asina largo, dunando un indicacion cu no mag di comete ningun “eror” e biaha aki. No ta prome biaha cu a drenta e negoshi aki.
Hopi ta e comentarionan di ariba caya cu debi na e entrada hudicial aki y cu detencion a cay lo tin varios hende cu nervio.
Segun Ministerio Publico; Helder(59) cu ta director di Fast Delivery ta wordo sospecha di labamento di placa.
