Oranjestad, 10 di juli, 2023 – Aruba Bank ta contento di por a duna sosten na desaroyo di tenis junior den e region door di patrocina Torneo Internacional di Tenis Junior TIHTA. Como parti di e colaborashon aki, Aruba Bank a bira co-patrocinador di e torneo, cu a tuma lugar for di 1 di juli te cu 7 di juli 2023, na Aruba Racquet Club.
Tennis Aruba, cu su mision pa promove y mehora e deporte di tenis, a brinda oportunidad pa hoben cu talento pa por competi na nivel internacional pa por logra punto di ranking di ITF. E torneo di TIHTA ta sirbi como plataforma pa hungadornan di Aruba por midi nan habilidadan contra hungadornan internacional, pa por demonstra nan amor pa e deporte y posibelmente sigura un beca di universidad na Merca.
E sponsor di Aruba Bank na e torneo ta demonstra su compromiso pa duna sosten na crecemento y desaroyo di tenis na Aruba. E Torneo Internacional di Tenis Junior TIHTA, cu a trece casi 200 participante, tanto na nivel nacional como internacional, a demostra di ta un exito tremendo.
Aruba Bank ta keda comprometi pa haci donacion cu ta impacta desaroyo di deportenan y hubentud na Aruba na manera positivo.