Piedra Plat:
Diasabra den oranan di marduga un poco pariba di e veld di Britania, habitantenan, a mira dos hoben actuando basta sospechoso banda di un auto staciona dilanti di un cas. Mesora e habitantenan a bati alarma, polis hopi lihe a yega na e sitio.
Na momento cu e dos hobennan aki a mira cu polis ta yegando, nan a spanta y a core drenta den un container di sushi, pa asina trata na sconde pa polis. Na yegada e agentenan policial a habri e container di sushi y a bin topa cu e dos hobennan aki scondi den e container, tur dos ta menor di edad.
Nan no por a duna polis un motibo valido di kiko nan tabata haciendo dilanti di e cas banda di e auto. Varios excusa a cay entre otro cu nan tabata buscando Wifi. Polis a controlanan y a papia cu ambos, tambe a warda pa nan mayornan presenta pa asina atende cu nan tambe.
